Thrill Laboratory-ի և Գոլդսմիթս քոլեջի գիտնականների փորձերում մասնակցել են ավելի քան 100 մարդ: Կամավորների մի խումբը դիտել է «Մեղքերի քաղաքը» ֆիլմը 3D ֆորմատով, իսկ մյուսը՝ 2D-ով: Մինչև դիտումը և դրանից հետո մասնակիցները կատարել են ճանաչողական թեստեր՝ ռեակցիայի արագության, ճանաչողական ֆունկցիայի և հիշողության գնահատման համար, գրում է The Daily Mail-ը:
Համեմատելով արդյունքները, հետազոտողները եկել են այն եզրակացության, որ 3D ֆիլմերը կարող են կանխել ճանաչողական ֆունկցիայի խանգարումները:
Փորձի երկրորդ մասի ընթացքում կամավորները դիտել են ֆիլմը, իսկ հատուկ սարքավորումն այդ ժամանակ հետևել է նրանց ուղեղի աշխատանքին: 3D ֆիլմեր դիտողների ուղեղի ակտիվությունն ավելի բարձր է դուրս եկել: Դատելով այդ ամենից, 3D ֆիլմերի դիտումը շատ նման է իրական կյանքի իրադարձություններին հետևելուն: