Ավստրալիական սպորտային ինստիտուտը թողարկել է սննդակարգի մասին խորհուդներ: Գիտնականների կարծիքով՝ մարզումներից առաջ հարկավոր է օգտագործել կաթնամթերք, որը պակասեցնում է ոսկորների կոտրվելու ռիսկը: Կաթնամթերքը հարկավոր է ուտել մարզումից 2 ժամ առաջ, որպեսզի կանխվի ֆիզիկական ծանրաբեռնվածության հետևանքով կալցիումի հնարավոր կորուստը: Այս մասին հաղորդում է rosbalt.ru-ն:
Մարդիկ, ովքեր զբաղվում են այնպիսի սպորտաձևերով, որտեղ ոտքերի վրա ծանրություն չի ընկնում (հեծանիվ, թիավարություն, լող) կալցիումը կորցնում են քրտնքի միջոցով: Դա թուլացնում է ոսկորները և ավելացնում օստեպորոզի զարգացման վտանգը:
Իր հերթին վազքը նպաստում է ոսկրահյուսվածքների աճին: Բանն այն է, որ սեփական քաշը՝ գումարած վազքի ծանրաբեռնվածությունը, ակտիվացնում է այդ գործընթացը: Իսկ մյուս սպորտաձևերի դեպքում ոսկորների մեջ հանքանյութային խտությունը նվազում է: Դա կանխելու համար մարզումներից առաջ պետք է ուտել կաթնամթերք, կաթնային կոկտեյլ, յոգուրտ և նույնիսկ ձվածեղ: