Եվրոպական միությունում չկա «Արևելյան գործընկերության» ծրագրի զարգացման միասնական կարծիք՝ հայտարարել է Եվրախորհրդարանի նախագահ Մարտին Շուլցը այսօր Ռիգայում։ Այս մասին տեղեկացնում է RIA Novosti-ն:
«Ռուսաստանի հարցում մենք հենվում ենք միասնական գծի վրա, սակայն մենք չունենք միասնական մոտեցում «Արևելյան գործընկերության» նկատմամբ»,- ասել է Շուլցը:
Քաղաքական գործիչը նկատել է, որ «Արևելյան գործընկերությունում» Ադրբեջանի ու Բելառուսի մասնակցությունը սահմանափակում է ծրագիրը, քանի որ այդ երկրների ներքին կառուցվածքը հակասում է եվրոպական արժեքներին:
«Այդ իմաստով տվյալ գագաթնաժողովը եղել է միայն միջանկյալ քայլ, ոչ ավելին: Կարծում եմ՝ այն, որ դա տեղի ունեցավ, լավ է: Սակայն «Արևելյան գործընկերությունը» այնպիսի երկրների նկատմամբ, ինչպիսիք են Ադրբեջանն ու Բելառուսը, որոնց ներքին կառուցվածքը անհամատեղելի է ԵՄ-ի և մեր հիմնարար արժեքների հետ, նույնպես ծանրացնում է գագաթնաժողովը»,- հավելել է Շուլցը:
