Վրաստանի և Ուկրաինայի՝ առանց այցագրի ռեժիմին պատրաստ լինելու գնահատականը Եվրահանձնաժողովը կհրապարակի դեկտեմբերի 15-ին։ Այս մասին հայտարարել է Եվրահանձնաժողովի ղեկավար Ժան-Կլոդ Յունկերը:
«Ինչ վերաբերում է Վրաստանին և Ուկրաինային՝ նրանք լավ հաջողություններ են գրանցել, բայց կան նաև որոշ ասպեկտներ, որոնք մենք արտահայտել ենք մեր առաջարկություններում: Դեկտեմբերի 15-ին Եվրահանձնաժողովը կհրապարակի այդ երկրներում գնահատականը, որի հիման վրա որոշում կընդունվի (առանց այցագրի ռեժիմի մասին)»,- ասել է նա:
Իր հերթին, Եվրախորհրդի նախագահ Դոնալդ Տուսկը հայտարարել է, որ ԵՄ բոլոր ղեկավարները դրականորեն են արձագանքել Ուկրաինայի և Վրաստանի համար այցագրային ազատականացման հնարավորությանը: