«Ժամը 14:30-ի դրությամբ Ճանապարհային ոստիկանության հատուկ պահպանվող տարածք է տեղափոխվել 20-ից ավելի մեքենա»,- «Առաջին լրատվական»-ի հետ զրույցում ասաց ՃՈ առաջին սպայական գումարտակի ավագ տեսուչ, կապիտան Հայկ Դավթյանը՝ հավելելով, որ հսկողությունը շարունակվում է:
Տուգանային հրապարակ բերված մեքենաներից մի քանիսի ղեկին անչափահաս է եղել: Վերջին զանգի անչափահաս շրջանավարտները մեքենա վարելու դեպքում կենթարկվեն վարչական պատասխանատվության. կտուգանվեն 30 հազար դրամի չափով՝ 20 հազար դրամ տուգանք կգանձվի ղեկին գտնվող շրջանավարտից, 10 հազար դրամ՝ մեքենայի սեփականատիրոջից:
Տուգանային հրապարակ են բերվել նաև այնպիսի մեքենաներ, որոնց ղեկին գտնվողները չափահաս են եղել, բայց վարորդական իրավունք չեն ունեցել: Տուգանային հրապարակում կային նաև այնպիսի մեքենաներ, որոնց պետհամարանիշները հանված էին կամ շրջված:
Այստեղ հիմնականում թանկարժեք մեքենաներ էին՝ «գոլդ» համարներով:
Մանրամասները՝ տեսանյութում։