Ուրբաթ օրը Լատվիայի ծովային սահմանի մոտ ռուսական ռազմանավ է նկատվել: TASS-ի հաղորդմամբ՝ այս մասին հայտնել են Լատվիայի Ազգային զինված ուժերը:
«Լատվիական բացառիկ տնտեսական գոտում Ազգային զինված ուժերի տարածքային ջրերից 6 ծովային մղոն հեռավորության վրա այսօր հայտնաբերել են ռուսական «Պասսատ 570» հրթիռային նավը»,- նշվում է Լատվիայի Ազգային զինված ուժերի տարածած հաղորդագրության մեջ:
Ավելի վաղ Լատվիայի պաշտպանության նախարարության հրապարակած տեղեկությունների համաձայն՝ 2014 թ. սահմանամերձ տարածքում զգալիորեն աճել է Ռուսաստանի զինված ուժերին պատկանող օդային և ջրային նավերի ակտիվությունը: Ռուսաստանի ռազմական ինքնաթիռներն ու նավերը, գերատեսչության հաղորդմամբ, այդ երկրի սահմաններին մոտեցել են ավելի քան 250 անգամ: