Թուրքիայում իշխող չափավոր պահպանողական «Արդարություն ու զարգացում» կուսակցությունը կարող է կորցնել տեղերի մեծամասնությունը խորհրդարանում: Այս մասին են վկայում այսօր հրապարակված վերջին սոցհարցման արդյունքները, հայտնում է RIA Novosti-ն:
Հարցումը, որ անցկացրել է KONDА հետազոտական ընկերությունը, ցույց է տվել, որ հունիսի 7-ին կայանալիք Թուրքիայի խորհրդարանական ընտրություններում «Արդարություն և զարգացում» կուսակցության օգտին պատրաստվում է քվեարկել հարցվածների 40,5%-ը, ինչը գրեթե 10%-ով քիչ է, քան 2011թ. վերջին ընտրությունների ժամանակ (այդ ժամանակ կուսակցությունը ստացել էր ձայների 49,8%-ը), հայտնում է Milliyet-ը:
Համաձայն հարցման՝ հիմնական ընդդիմադիր Ժողովրդահանրապետական կուսակցությունը կարող է հույս ունենալ, որ կստանա ձայների 28,7%-ը, քրդամետ Ժողովրդադեմոկրատական կուսակցությունը՝ 11,5%-ը: