Քեյթ Միդլթոնը և արքայազն Ուիլյամը շարունակում են շնորհավորանքներ ստանալ իրենց երկրորդ երեխայի՝ արքայադուստր Շառլոտայի ծննդյան կապակցությամբ: Եվ մինչ դքսուհին Նորֆոլքի տանը հոգ է տանում փոքրիկի մասին, Ուիլյամը մենակ է երևում հանրության առաջ, հայտնում է 7days.ru-ն:
Մայիսի 20-ին նա այցելել է Սթաֆորդշիրի Սեն-Ջորջ Փարք մարզադաշտ՝ հանդիպելու Անգլիայի հավաքականի ֆուտբոլիստների հետ: Միջոցառման ընթացքում սպորտսմենուհիները արքայազնին շնորհավորել են դստեր ծննդյան կապակցությամբ և փոքրիկ Շոռլոտային շապիկ են նվիրել՝ մեջքին «1» համարով ու «Շառլոտա» անունով:
Թիմի ավագ Ստեֆ Հոութոնի հետ զրույցում արքայազնը նշել է, որ իրեն շատ է դուր գալիս երկու երեխայի հայր լինելը: «Արքայազն Ուիլյամն ինձ պատմեց, որ անչափ երջանիկ է հայր լինելու համար: Այո, հիմա նա դժվարություններ ունի, քանի որ Շառլոտան լաց է լինում գիշերները, իսկ արքայազն Ջորջը պարզապես չի կարողանում տեղը նստել»,- պատմել է Հոութոնը: