Ֆրանսիական դեբատների դաշնությունը, որը ծրագրել էր Նապոլեոնի դեմ դատն անցկացնել այս շաբաթ, որոշել է այն տեղափոխել հունիս: Կայսեր դեմ դատը կանցկացվի Վաթեռլոյի ճակատամարտում «Մեծ բանակի» ջախջախման 200-ամյակի նախօրեին՝ գրում է TASS-ը:
Գահից պարտադրաբար կրկնակի հրաժարված Նապոլեոն Բոնապարտը, հիշեցրել են լսումների կազմակերպիչները, 1815թ. ամռանը աքսորվել է Սուրբ Հեղինե կղզի՝ այդպես էլ իրավունք չստանալով իր շահերը ներկայացնել բաց դատական նիստում:
«Մեր նպատակն է ճանապարհորդություն կատարել դեպի անցյալ ու խթանել մեր հայրենակիցների հետաքրքրությունը պատմության նկատմամբ»,- հստակեցրել է հասարակական դաշնության ղեկավար Ռոմեն Դեշարնը:
Նապոլեոնի թե մեղադրողները, թե պաշտպանները ընտրվել են Սորբոնի համալսարանում անցկացված մրցույթի արդյունքներով։