Ռիգայում ընթացող «Արևելյան գործընկերության» գագաթաժողովին ՀՀ-ի մասնակցության մասին և ՀՀ-ԵՄ հարաբերությունների զարգացման շուրջ խոսելով ՀԱԿ խմբակցության ղեկավար Լևոն Զուրաբյանը նշեց, թե հարցը կարևոր է, և որ «Կոնգրեսը» միշտ այն դիրքորոշումն է ունեցել, որ պետք է կառուցեն հարաբերություններն այնպես, որ լինի արդյունավետ հարաբերություններ և՛ ԵՄ-ի, և՛ ՌԴ-ի, և՛ ԱՄՆ-ի, և՛ Իրանի հետ, ու ինչու չէ նաև կարգավորի հարաբերությունները հարևանների հետ: «Այդ դոկտրինան հաստատվել է 91-ից Լևոն Տեր-Պետրոսյանի կողմից, և մենք միշտ հավատարիմ ենք եղել այդ դոկտրինային և համարում ենք, որ անկախության գլխավոր արժեքը հենց դա է»,- ասաց նա: