Հանրապետության մոտ 1400 դպրոցի շուրջ 25 հազար շրջանավարտների համար այսօր հնչում է Վերջին զանգը: Ավագ դպրոցներում եռուզեռ է՝ բակից մինչև դասարաններ, դահլիճ:
Նույն իրավիճակն էր նաև Խաչիկ Դաշտենցի անվան թիվ 114 ավագ դպրոցում: Մուտքի մոտ բազմաթիվ շքեղ մեքենաներ էին, շրջանավարտներ, նրանց ծնողներն ու հարազատները: Շրջանավարտները վերջին զանգի միջոցառումից հետո շտապում էին եկեղեցի. «Գնում ենք եկեղեցի, որ Աստված մեր հետագա ճանապարհը, նոր կյանքը օրհնի»։
«Առաջին լրատվական»-ի հետ զրույցում բազմաթիվ շրջանավարտներ նկատեցին, որ եկեղեցի գնալուց հետո անպայման տոնելու են։ «Մինչև լույս քեֆ ենք անելու»,- նշեցին նրանք:
Շրջանավարտների մեծ մասն ընդգծեց, որ պատրաստվում են ընդունվել Երևանի պետական համալսարան և տնտեսագիտական համալսարան:
Թիվ 114 ավագ պրոցում շրջանավարտների հետ տոնում էր նաև երգչուհի Սոնա Ռուբինյանը. նրա եղբայրը ևս ավարտում է դպրոցը: Երգչուհին բոլոր շրջանավարտներին Վերջին զանգի կատարում նվիրեց:
Մանրամասները՝ տեսանյութում։