«Արևելյան գործընկերություն» ծրագրի մասնակից 6 երկրների հետ հարաբերությունները շատ կարևոր են Եվրամիության համար՝ հայտարարել է ԵՄ դիվանագիտության ղեկավար Ֆեդերիկա Մոգերինին:
«Այսօր մեր գործընկերների հետ մենք դուրս ենք գալիս նորմալ աշխատանքային հարաբերությունների, դա կարող է սենսացիոն չլինել, սակայն դա նշանակալի է մեր մարդկանց համար: Դա այն է, ինչի վրա մենք աշխատում ենք: Մեր հարաբերությունները, մեր գործընկերությունը նրանցից յուրաքանչյուրի հետ շատ կարևոր է և մեզ համար, և նրանցից յուրաքանչյուրի»,- ասել է Մոգերինին մինչ Ռիգայում գագաթնաժողովի երկրորդ օրն սկսվելը:
«Կարծում են՝ սա լավ օր կլինի ԵՄ-ի ու 6 գործընկերներից յուրաքանչյուրի համար»,- հավելել է նա:
«Արևելյան գործընկերություն» ծրագիրը ենթադրում է ԵՄ-ի քաղաքական ասոցացում ու տնտեսական ինտեգրացում Ադրբեջանի, Հայաստանի, Բելառուսի, Վրաստանի, Մոլդովայի ու Ուկրաինայի հետ: Վերջին երեք երկրներն այս տարի ստորագրել են ԵՄ-ի հետ Ասոցացման համաձայնագիր։
«Արևելյան գործընկերություն» գագաթնաժողովը անցկացվում է մայիսի 21-22-ը՝ Ռիգայում: