Գուրգեն Եղիազարյանը Սուրիկ Խաչատրյանի մեքենայի վրա կրակահերթերի հետ կապված իր վարկածներն ունի «Սուրիկ Խաչատրյանը, պարզ է, որ հակահարվածի է պատրաստվում եւ իրեն պետք է ներկայացնի զոհի կարգավիճակում: Պետք է ներկայացնել այնպես, որ այդ մարդը ինչ ջանք որ գործադրում է տարածաշրջանում, նաեւ վտանգում է սեփական կյանքը: Ընդամենը սա է, եւ ես չեմ գտնում, որ այդտեղ լուրջ բան կա»,- այսօր Aravot.am-ի հետ զրույցում քաղաքական գործիչ ԱԱԾ պետի նախկին տեղակալ Գուրգեն Եղիազարյանը այսպես է մեկնաբանել Սյունիքի մարզպետ Սուրիկ Խաչատրյանի հետ կատարված միջադեպը: Հիշեցնենք, որ քիչ առաջ ՀՀ քննչական կոմիտեն հաստատեց, որ այսօր ժամը 18։15-ի սահմաններում, Կապան-Գորիս ավտոճանապարհի 30-րդ կմ հատվածում հրազենային կրակահերթ է արձակվել նրա մեքենայի ուղղությամբ, տուժողներ չկան: Գուրգեն Եղիազարյանի դիտարկմամբ՝ «Երբ օրենքը չի գործում, որպես կանոն, գործում է վրեժխնդրությունը: Բնույթից, կրակոցներից, վիրավոր չլինելուց չեմ կարծում, որ դա մահափորձ է եղել»:
Գուրգեն Եղիազարյանը չի բացառում հետագայում վրեժխնդրության տարբերակը:
Նրա խոսքերով՝ «Փաստեր կան, որ տարբեր տարիներին 10-ից տուժած մարդիկ կան, չէ՞ որ դրանցից մեկնումեկն ի վերջո իրականում վրեժխնդիր կլինի»:
Հարցին, եթե ենթադրենք, որ այս ամենը բեմադրված է, Սուրիկ Խաչատրյանին տուժողի դերում ներկայացնելը ի՞նչ օգուտ կարող է բերել Զաքարյանների միջադեպին՝ Գուրգեն Եղիազարյանը հիշեցրել է Գորիսի քաղաքապետի ընտրություններում առաջադրված նախկին թեկնածու, գործարար Տիգրան Կարապետյանի սպառնալիքները:
Մանրամասները՝ սկզբնաղբյուր կայքում
