Եվրահանձնաժողովը, շնորհիվ Henkel ընկերության տրամադրած տեղեկությունների, տուգանել է խոշորագույն ընկերություններ` ամերիկյան Procter & Gambel և անգլոհոլանդական Unilever-ին 315,2մլն եվրոյով` մեղադրելով նրանց Եվրամիության տարածքի ութ պետություններում լվացքի փոշու գներն անօրինական սահմանման մեջ: Այս մասին գրում է The Wall Street Journal-ը:
Procter & Gambel-ը տուգանվել է 211,2մլն եվրո, իսկ Unilever-ը` 104մլն եվրո: Միևնույն ժամանակ այս դավադրության երրորդ կողմը` Henkel AG & CO ընկերությունը չի տուգանվի, քանի որ այն անձամբ պատմել է ստեղծված կարտելի մասին, որը գործել է 2008թ.-ից:
Ընկերությունների այս «գործարքը» տարածվել է Բելգիայի, Ֆրանսիայի, Հունաստանի, Գերմանիայի, Իտալիայի, Իսպանիայի, Պորտուգալիայի և Հոլանդիայի վրա:
Գործի նյութերում ասվում է, որ կարտելը գործել է 2002թ.-ի հունվարից մինչև 2005թ.-ի մարտ ամիսը: «Ընկերությունների մոտ պետք է կասկած չլինի, որ հանձնաժողովը պայքարում է նմանատիպ դրսևորումների դեմ»,- հայտնել է հակամենաշնորհային քաղաքականության պատասխանատու Խոակին Ալմունիան: