Երեւանի պետական տնտեսագիտական համալսարանի ուսանողներն արդեն երկու ամիս է իրենց կրթաթոշակները չեն ստացել: Նշենք, որ գրեթե բոլոր պետական բուհերի ուսանողները կրթաթոշակ ստանում են «Արարատ» բանկի պլաստիկ քարտերով: Բանկի պլաստիկ քարտերի վարչության ֆինանսական բաժնի առաջատար մասնագետ Սյուզաննա Զախարյանը մեզ տեղեկացրեց, որ իրենք օրը 2 անգամ գումարները փոխանցում են բանկոմատներին, եթե իհարկե, լինում է: «Մենք գումարները ստանում ենք համալսարանի հաշվապահությունից, եւ արդեն երկու ամիս է՝ նրանք գումար չեն փոխանցել»,- ասաց Ս. Զախարյանը:
Տնտեսագիտական համալսարանից պարզաբանում չհաջողվեց ստանալ, քանի որ 16:00-ից մեր բոլոր հեռախոսազանգերը անպատասխան էին: