«Լեզվի միջոցով ժողովուրդը մշակույթ է ստեղծում, պատմություն է գրում: Պետք է հիշենք՝ մեր լեզուն աշխարհի հարուստ լեզուներից է, և այն արժեք է ոչ միայն մեզ, այլև աշխարհի համար»,-«Առաջին լրատվական»-ի հետ զրույցում ասաց բանասիրական գիտությունների դոկտոր, պրոֆեսոր, ԵՊՀ բանասիրության ֆակուլտետի դեկան Արծրուն Ավագյանը:
Նա նշեց, որ այսօր մայրենի եզուն պահպանվում է այնքանով, որքանով մեր պետական, սոցիալական պայմաններն ենթույլտալիս: Սակայն մայր հայրենիքում այդ լեզվով խոսողների թիվը պակասում է, և դա շատ ցավալի երևույթ է:
«Առհասարակ՝ առանց լեզվի մենք չենք կարող գոյատևել: Այսօր ինչ ստեղծվում է հայերենով, ապրեցնում է մեզ և կապրեցնի գալիք սերունդներին»,- ասաց Ա. Ավագյանը:
Նա ցավով նշեց, որերիտասարդները մաքուր մայրենիովխոսումենմիայն պաշտոնական վայրերում, գնալով քաղաքային լեզուն ավելի է գերակշռում:
Ինչ վերաբերում է արևմտահայերենի պահպանությանը, Արծրուն Ավագյանն ասաց, որ արդեն երկար տարիներ ԵՊՀ-ում կան արևմտահայերենի դասընթացներ, հոդվածներ, մենագրություններ, դիպլոմային աշխատանքներ են գրվում արևմտահայերենով: Նույնը չկարողացավ ասել Սփյուռքի մասին, որտեղ սպիտակ եղեռնը օր օրի ահագնանում է:
«Չէի ասի, որ արևմտահայերենը Սփյուռքում հոգեվարքի մեջ է, բայց վիճակն այնքան էլ լավ չէ: Սակայն պետք է հիշենք, որ մենք ունենք լավ մասնագետներ և հայրենասեր մարդիկ, ովքեր ամեն գնով փորձում են պահպանել մայրենին»,- ամփոփեցբանասիրական գիտությունների դոկտորը: