1in.am Sport–ը բացառիկ հարցազրույց է ունեցել Եվրոպայի վեցակի, աշխարհի եռակի չեմպիոն, Օլիմպիական խաղերի արծաթե մեդալակիր, աշխարհի բազում ռեկորդների հեղինակ Տատյանա Կաշիրինայի հետ:
24 տարեկանում Եվրոպայի 6-ակի, աշխարհի 3-ակի չեմպիոն եք, Օլիմպիական խաղերի արծաթե մեդալակիր: Ո՞րն է ձեր հաջողության բանաձևը:
Աշխատասիրությունն ու ցանկությունը հասնել ավելիի:
2014թ. աշխարհի առաջնությունում 5 նոր ռեկորդ սահմանեցիք: Կա՞ սահմանագիծ, թե Ձեր պարագայում կատարելությունը սահմաններ չունի:
Սահման ունի ցանկացած մարդ, իսկ թե որն է սահմանը իմ պարագայում, չգիտեմ (ժպտում է):
https://youtu.be/tY4ZKiAJL1I
2015թ. Եվրոպայի առաջնությունուը մարզումային ստացվեց Ձեզ համար: Մարզումներին երբևէ հաջողվե՞լ է գերազանցել սեփական ռեկորդը: Վլադիմիր Կրասնովը (խմբ.- Տատյանայի անձնական մարզիչը) նշել է, որ հրել եք 195 կգ:
Եվրոպայի առաջնության նախապատրաստական փուլում չեմ բարձրացրել ավելի ծանր քաշեր, քան մրցումների ժամանակ:
12 տարեկան հասակում 44 կգ անձնական քաշով երկամարտի 119 կգ արդյունք եք ցույց տվել: Մարզիչը նշել է, որ միակն եք 7 մլրդ–ի մեջ: Ի՞նչ կասեք նրա հետ աշխատանքի մասին:
Միասին աշխատում ենք 13 տարի: Բախտս շատ է բերել մարզչի հարցում:
2012թ. Լոնդոնում ձեր անմիջական մրցակցին՝ Չժու Լուլուին, երկամարտում զիջեցիք ընդամենը 1 կգ՝ հրում վարժությունում 6 կգ զիջելու արդյունքում: Ասիական խաղերում նա ցույց տվեց 142+192 կգ արդյունք, Դուք աշխարհի առաջնությունում՝ 155+193: Ռիոյում նա կարծես չի հասնի Ձեզ…
Չինաստանի մարզուհիներից պետք է սպասել ամեն ինչ: Կարծում եմ՝ կանխատեսել նրա արդյունքները Ռիոյում հանարավոր չէ:
Գերծանր քաշային կարգում մարզուհիների քաշային տարբերությունը կարող է մեծ լինել, օրինակ Լուլուն Ձեզնից ծանր է 30 կգ–ով: Չեք կարծում, որ անարդար է և միջազգային ֆեդերացիան պետք է քայլեր ձեռնարկի
Այո, ես, ինչպես շատերը, կարծում եմ, որ գերծանր քաշային կարգում անձնական քաշը մեծ դեր ունի: Կցանկանայի, որ տարբերությունը գերծանր քաշային կարգի ու նրան նախորդող քաշային կարգի միջև ավելի իրական լինի:
Ի՞նչ կասեք Հռիփսիմե Խուրշուդյանի մասին, ով նույնպես հանդես է գալիս գերծանր քաշային կարգում:
Լավ մարզուհի և անձնավորություն է, ով արժանապատիվ ելույթ է ունենում բոլոր մրցումներում:
Ի՞նչ գիտեք հայերի, Հայաստանի մասին: Ծրագրու՞մ եք մի օր լինել Հայաստանում:
Գիտեմ, որ Հայաստանում ծանրամարտի դպրոցը բարձր մակարդակի է: Մինչ այժմ առիթ չի եղել, բայց հնարավորության դեպքում կլինեմ Հայաստանում: