Չինական լրատվամիջոցներն այսօր հաղորդել են, որ Չինաստանում միլիոնատերերի թիվը հատել է մեկ միլիոնի սահմանագիծը: Այս ոլորտի հետազոտությունների արդյունքները ներկայացրել է Hurun Research Institute կազմակերպությունը:
Համաձայն այդ զեկույցի, ամեն 1400 չինացուն բաժին է ընկնում մեկ միլիոնատեր: Այն մարդկանց թիվը, որոնց կարողությունը գերազանցում է 10 մլն յունը կամ 1.5 մլն դոլարը, հասել է 960 հազարի, ինչը 9.7%-ով ավելի է, քան նախորդ տարի:
Ամենաշատ միլիոնատերերը (մոտ 170 հազար մարդ) ապրում են Պեկինում: Մայրաքաղաքին հետևում են Գուանչժոուն և Շանհայը: Հիմնական ոլորտները, որտեղ միլիոնատերերը վաստակել են իրենց կարողությունները, անշարժ գույքի, ներդրումային, ֆինանսական ոլորտներն են: Ընդ որում, միլիոնատերերի միջին տարիքը 39-ն է, և նրանց 30%-ը կանայք են:
