Թուրքիայի կրոնական հարցերի վարչության նախաձեռնությամբ Ղուրանը լույս է տեսել հայերեն թարգմանված տարբերակով։ Այս մասին գրում է թուրքական «Անադոլու» լրատվական գործակալությունը։
Նախաձեռնության հեղինակ Յուքսել Սալմանը հայտնել է, որ գիրքը տպագրվել է 4 հազար օրինակով՝ և արևելահայերենով, և արևմտահայերենով։ Ըստ նրա՝ գիրքը մարդկանց բաժանվելու է անվճար։
«Մուսուլմանների սուրբ գիրքը համարվող Ղուրանի հայերեն թարգմանության համընկնումը 1915 թվականի ողբերգական իրադարձությունների 100-րդ տարելիցի հետ պատահականություն է»,- հավելել է Սալմանը։
Հարկ է նշել, որ ինչպես Հայոց ցեղասպանության տարիներին, այնպես էլ դրանից առաջ տեղի ունեցած հայ ժողովրդի կոտորածներին զուգահեռ՝ Թուրքիայի իշխանությունները իրականացրել են հայերի զանգվածային բռնի իսլամացում։