«Սիրիայում բոլորի կյանքը թելից է կախված, անընդհատ ռմաբակոծում են, հրթիռակոծում»,-«Առաջին լրատվական»-ի հետ զրույցում ասաց երեկ Քեսաբից Հայաստան եկած Միսակ Բեդուրյանը : Ըստ նրա՝ Սիրիայի գրեթե բոլոր հատվածներում էլ, հիմա, հատկապես Հալեպում իրավիճակը շատ վատ է, չգիտեն թե ինչ է լինելու. ռմաբակոծվում են տները, եկեղեցիները, այլ կառույցներ. «Քեսաբում ևս ռմբակոծություն կա, կհարձակվեն, որ հանկարծ ձայն չի լինում` ավելի կվախենք, մտածում ենք` հարձակում են նախապատրաստում»,-ասաց նա՝ հավելով, որ վախը սիրիահայերին և ընդհարապես, Սիրիայում բնակվողներին ամեն վայրկյան է ուղեկցում:
Միսակ Բեդուրյանը նաև ընդգծեց, որ շատ սիրիահայեր այլևս միջոցներ չունեն անգամ հայրենիք վերադառնալու համար, բացի այդ, Հայաստան գալուց էլ մի շարք խնդիրներ են առաջանում, դեռևս չեն տեսել քայլեր , որ կառավարությունը փորձի մեղմել դրանք:
Միսակ Բեդուրյանի կինը՝ Մարալ Բեդուրյանը մեզ հետ զրույցում պատմեց, որ երեք երեխա ունեն` 2 տղա , մեկ աղջիկ, փորձում են հարմարվել այստեղի կյանքին, չնայած նրան, որ Սիրիայում թողել են իրենց ունեցվածքը. «Եթե այս վիճակը մնա` մենք հետ չենք գնա` երեխաների կյանքի, բոլորի կյանքի հարց կա»,-նշեց նա:
Անդրադառնալով այն պնդումներին, որ սիրիահայերին ուղղակի թույլ չեն տալիս զանգվածային տեղահանել, նա ասաց, որ չեն ասում մի գնացեք. «ասում են` պիտի մնաք, որ ձեր հողերը պահենք, ես անձամբ չեմ ուզեր մնալ»,-ասաց նա:
Միսակ Բեդուրյանի քույրը ՝ Մանուշակ Մանջիկյանն էլ երեկ Դամասկոսից է Հայաստան եկել: Նա ևս փաստեց, որ այսօր վտանգված է Սիրիայի ամոբողջ ժողովուրդը և նրանք պետք է տարհանվեն օր առաջ, չնայած նրան որ դժվար է թողնել ունեցվածքը:
Մանրամասները՝ տեսանյութում