Մադրիդի «Ռեալ»-ի դարպասապահ Իկեր Կասիլյասը գովեստի խոսքեր է հասցեագրել թիմի գլխավոր մարզիչ Կարլո Անչելոտիին:
«Արքայական ակումբ»-ի փորձառու դարպասապահի կարծիքով` ակումբի ղեկավարությունը ժամանակին ճիշտ որոշում է կայացրել` թիմը վստահելով իտալացի մասնագետին:
«Անչելոտին վերադարձրեց «Ռեալ»-ի երկրպագուների ժպիտը: Նրա շնորհիվ մենք տարանք Չեմպիոնների լիգայի այդքան սպասված 10-րդ հաղթանակը:
2014 թվականը հիանալի էր: Մենք չորս տիտղոս նվաճեցինք: Մինչ Անչելոտին ոչ ոք նման նվաճում չէր գրանցել»,- Marca-ն մեջբերում է Կասիլյասի խոսքերը:
Հիշեցնենք` Անչելոտին գլխավորել է «Ռեալ»-ը 2013/14 թվականների մրցաշրջանի մեկնարկից առաջ: Նրա գլխավորությամբ թիմը նվաճել է Իսպանիայի գավաթը, ՈւԵՖԱ-ի սուպերգավաթը, Չեմպիոնների լիգայի գավաթակիր և աշխարհի ակումբային առաջնության հաղթող դարձել:
