ԱՊՀ երկրների ղեկավարները Հաղթանակի 70-ամյակի տոնին ընդառաջ աշխարհի երկրներին և ժողովուրդներին կոչ են արել դիմակայել նացիստական շարժման հերոսացման, ֆաշիզմի գաղափարախոսության վերակենդանացման և քսենոֆոբիայի ու ռասիզմի տարածման փորձերին: Այս մասին ասվում է «Կազախստանսկայա պրավդա» թերթում հրապարակված ուղերձում:
«Անկախ պետությունների համագործակցության անդամ երկրների ժողովուրդների համար 1945 թ. մայիսի 9-ը սուրբ օր է՝ ամենանշանակալի և պաշտելի օրերից մեկը: Այդ օրն ընդմիշտ կմնա նվիրվածության և հերոսության խորհրդանիշ հանուն մեր ժողովուրդների ազատության և անկախության պաշտպանության, մարդկությանը ֆաշիստական ստրկացման սպառնալիքից փրկության»,- ասվում է ուղերձում:
«ԱՊՀ երկրների ղեկավարները կոչ են անում սրբորեն հարգել ֆաշիզմի դեմ պայքարում զոհվածների հիշատակը, մշտական հոգատարություն ցուցաբերել ռազմական գերեզմանոցները, հուշահամալիրները, հուշաձանները և կոթողները, նաև պարտիզանների, ընդհատակյա գործիչների և ֆաշիստական ճամբարների բանտարկյալների գերեզմանոցները լավ վիճակում պահպանելու և պահելու, ինչպես նաև շարունակել Հայրենական մեծ պատերազմի տարիներին ընկած ռազմիկների և խաղաղ բնակիչների մասունքների համար»,- ասվում է ուղերձում:
«Բացի դրանից՝ ԱՊ անդամ երկրների ղեկավարներն աշխարհի երկրներին և ժողովուրդներին կոչ են անում վճռականորեն դիմակայել նացիստական շարժման հերոսացման, ֆաշիզմի գաղափարախոսության վերակենդանացման և քսենոֆոբիայի, ռասիզմի տարածման փորձերին»,- նշվում է հայտարարության մեջ:
Նշվում է նաև, որ ԱՊՀ երկրները մտադիր են հետագայում ևս «ամեն կերպ ամրապնդել համաշխարհային հասարակության հետ համակողմանի համագործակցությունը հանուն բոլոր պետությունների կայուն խաղաղ զարգացման և առաջընթացի ապահովման»:
