Թուրքիայի ասորիները երկրի նախագահին ու վարչապետին հղված նամակով կոչ են անում ճանաչել 1915-ի Ցեղասպանությունը և վերադարձնել քրիստոնյաներից առգրավված ունեցվածքը։
Ասորական հասարակական 20 կազմակերպությունների ստորագրությամբ նամակում նշվում է, որ 100 տարի առաջ Օսմանյան Թուրքիայում Երիտթուրքերը Անատոլիայում ուև Միջագետքում քրիստոնյա ժողովուրդների՝ հայերի, ասորիների և հույների դեմ ցեղասպանություն իրականացրին, որին մասնակցեցին նաև քրդական որոշ ցեղախմբեր։
«Այդ ցեղասպանության ժամանակ կոտորվեցին 1,5 միլիոն հայեր, 500 հազար ասորիներ և 350 հազար պոնտոսցի հույներ։ Առանց ծեր ու մանուկ զանազանելու՝ գազանաբար գործված այդ կոտորածի ընթացքում գրավեցին քրիստոնյաների ունեցվածքը, գույքը և հողերը»,- նշված է նամակում։