Բրիտանացի պատմաբան Ռոբերտ Հենդերսոնը հայտարարել է, որ գտել է Վլադիմիր Լենինի իրական սիրո՝ Ապոլինարիա Յակուբովայի լուսանկարը, որը կորած էր համարվում։ Այս մասին հայտնում է The Guardian-ը։
Հաղորդվում է, որ Հենդերսոնը լուսանկարը գտել է Մոսկվայում գտնվող Ռուսաստանի պետական արխիվում ապրիլին՝ ուսումնասիրելով այլ երիտասարդ հեղափոխական Վլադիմիր Բուրցևի կյանքը։
Հետազոտողի խոսքով՝ Յակուբովան ու նրա ամուսինը մոտ են եղել Լենինի ու նրա կնոջ հետ, ովքեր ընդմիջումներով ապրել են Լոնդոնում 1902-1911 թթ։
1964 թվականին ամերիկացի լրագրող Լուիս Ֆիշերը հայտարարել էր, որ Լենինն առաջարկություն է արել Յակուբովային, սական մերժում ստացել։