Աշխարհում խոշորագույն Facebook սոցցանցը պլանավորում է BuzzFeed-ից, The New York Times-ից, National Geographic-ից և այլ պարբերականներից արդեն այս ամիս նյութեր հրապարակել, հաղորդում է The Wall Street Journal-ը:
Այս հրապարակումների գլխավոր առանձնահատկությունը այն կդառնա, որ քոնթենթը Facebook-ում ամբողջովին և առանց հղումների կտեղադրվի:
Շատ պարբերականների համար Facebook-ում իրենց քոնթենթների հղումները թրաֆիքի կարևոր աղբյուր են հանդիսանում: Սակայն նման հղումների բացումը բջջային սարքավորումների վրա մինչև 8 վայրկյանի է հասնում և հիասթափեցնում է օգտատերերին:
Կայքերին թրաֆիքի կորուստը փոխհատուցելու համար Facebook- ԶԼՄ-ներին առաջարկում է կիսվել գովազդի շահույթով:
Որոշ պարբերականների մոտ սոցցանցերից փոխանցման քանակը 60 %-ի է հասնում, սակայն շատերն անհանգստանում են նման խիտ ինտեգրացումից և Facebook-ից կախվածությունից:
Համաշխարհային խոշոր ԶԼՄ-ներն անհանգստանում են, որ Facebook-ին հասանելի կդառնա իրենց վիճակագրությունը, և նա կկարողանա ի շահ իրեն օգտագործել:
