Զամբիայի դատարանը ֆերմերին դատապարտել է 15 տարվա ազատազրկման՝ մեղավոր ճանաչելով անասնապղծության մեջ: Ինչպես գրում է Zambia Daily Mail –ը, 73-ամյա Վեգրես Սիմպանզյեն բռնվել է իր եղբոր կովին բռնության ենթարկելու պահին:
Դատի ընթացքում Ջերալդ Սիմպանզյեի եղբայրը մանրամասն պատմել է, թե ինչպես է տեսել եղբորը այդ նողկալի գործով զբաղվելիս: Տեղում բռնված տղամարդը կաշառք է առաջարկել եղբորը, որ նա «մոռանա» այդ դեպքի մասին, սակայն վերջինս դիմել է ոստիկանություն: Նրա կովին տարել են անասնաբուժական ստուգման, որի արդյունքում հաստատվել է մեղադրանքը:
Սակայն բացի անասնապղծությունից, տղամարդուն մեղադրել են նաև կախարդության մեջ: Իբր նրա գրպանում հայտնաբերվել են կախարդական տերևներ, որոնց օգնությամբ «հմայել է» կովին: Որպես արդարացում՝ դատապարտյալն ասել է, որ 1972 թվականից գտնվում է դիվային ուժերի տիրապետության տակ, և դա եղել է այդ դիվային մոլուցքի դրսևորումներից մեկը:
