Փրկարարները Նեպալի հյուսիսում փլատակների տակից երկրաշարժից 7 օր անց դուրս են բերել 101-ամյա տղամարդուն: Այս մասին հաղորդում է France Presse-ը` վկայակոչելով տեղի ոստիկանությանը:
Ոստիկանության ներկայացուցիչ Արուն Կումար Սինգհի տվյալներով` շաբաթ օրը տղամարդուն գտել են նրա սեփական տան փլատակների ներքո: Այժմ նա հիվանդանոցում է:
Նեպալի իշխանությունները ավելի վաղ հայտարարել էին, որ այլևս հույս չունեն փլատակներից տակից ողջ մնացածների գտնել, ինչպես նաև այն մասին, որ զոհերի թիվը կարող է մեծանալ, երբ փրկարարները հասնեն ծայրամասային շրջաններին: