Facebook սոցիալական ցանցում գովազդի գինն աճել է 40%-ով: Efficient Frontier (EF) ընկերության հրապարակած զեկույցի համաձայն վերջին երեք ամիսների ընթացքում մեկ գովազդի համար մեկ քլիքի գինն աճել է 40%-ով` համեմած նախորդ եռամսյակի հետ: «Երբ գովազդատուները սկսում են հասկանալ այս ոլորտը, սկսում են նոր միջոցներ հատկացնել և դառնում են ավելի մրցունակ», – նշել է Սիդհարդ Շահը, որը EF-ի բիզնես-վերլուծության բաժնի ավագ տնօրենն է: Նրա ընկերությունը զբաղվում է առցանց գովազդի ծառայությունների տրամադրմամբ:
«Գովազդատուները պատրաստ են ավելի շատ վճարել, որպեսզի նրանք հասնեն հաճախորդներին», – ընդգծել է Շահը: eMarketer-ի կանխատեսումներով Facebook-ի գովազդի ծախսերը, որում հաշվվում է ավելի քան 600մլն. գրանցված օգտատեր ամբողջ աշխարհով մեկ, այս տարի կաճեն ավելի քան երկու անգամ և կդառնան 4,05մլրդ. դոլար: Ինչպես նշում են մասնագետները, հիմա սոցցանցը ամսեկան ցուցադրում է ավելի քան 50մլրդ. միավոր բաներային գովազդ:
Facebook-ում անցյալ տարի գովազդներից ստացված ընդհանուր եկատումը կազմել է ռեկորդային 1,86մլրդ. դոլար: eMarketer-ի գնահատմամբ` այդ եկամուտի 60%-ը սոցցանցը ստացել է միջին և մանր բիզնեսների գովազդներից: Ընդհանուր գովազդների երկու երրորդը բաժին է ընկել Facebook-ի սեփական գովազդային պլատֆորմին: