Նախօրեին Բալթիմորում տեղի ունեցած բռնությունն արդարացում չունի: Այս մասին գրում է RIA Novosti-ն` վկայակոչելով ԱՄՆ նախագահ Բարաք Օբամային:
«Բռնությունը, որին մենք ականատես եղանք երեկ, արդարացում չունի: Դա հակաարտադրողական է»,- ասել է նա Սպիտակ տանը Ճապոնիայի վարչապետ Սինձո Աբեի հետ մամլո ասուլիսի ժամանակ:
Օբամայի խոսքերով` «մարդիկ, ովքեր դիակապտությամբ են զբաղվում առևտրի կենտրոններում, չեն բողոքում: Նրանք կողոպտում են»,- ընդգծել է նախագահը:
ԱՄՆ առաջնորդն ընդգծել է, որ «այժմ բոլոր մտքերը Ֆրեդի Գրեյի ընտանիքի հետ են, ովքեր ցանկանում են պատասխան ստանալ իրենց հետաքրքրող հարցերին: «Ես նաև մտածում եմ երկուշաբթի օրը վիրավորված ոստիկանների մասին»,- հավելել է նա:
Նշենք, որ Բալթիմորում դրությունը սրվել է ապրիլի կեսերին, երբ ձերբակալվեց 25-ամյա աֆրոամերիակցի Ֆրեդի Գրեյը: