Չինաստանում աճում է թանկարժեք սեքս-տիկնիկների տարածվածությունը, որոնց միջին արժեքը 2400 եվրո է, հայտնում է Die Welt թերթը: Հոդվածում ասվում է՝ պատճառն այն է, որ միլիոնավոր չինացի տղամարդիկ աշխատում են մայրաքաղաքում և հարևան նահանգներ՝ իրենց ընտանիքների մոտ գնում են միայն հանգստյան օրերին, բայց միաժամանակ չեն ուզում դավաճանել իրենց կանանց:
Այդպիսի սեքս-տիկնիկ վաճառողի խոսքով՝ «գնորդների մեծ մասը տիկնիկներն իրական կանանցից ավելի հետաքրքիր են համարում»: Նրա հաճախորդների հիմնական մասը 30-40 տարեկան ունևոր գործարարներ են, որոնք չեն ուզում մարմնավաճառների ծառայություններից օգտվել, մինչ օրենց կանայք հեռու են:
Ավելի վաղ թանկարժեք, իրականին նման սեքս-տիկնիկները փոքր մաս են զբաղեցրել Չինաստանի սեքս-ապրանքների շուկայում, սակայն Micdolls ընկերության համատեր Չժան Հանը վստահ է, որ ապագայում Չինաստանում տղամարդկանց ավելցուկի պատճառով տիկնիկների պահանջարկը կաճի: Մեկ երեխայի քաղաքականությունը և արական սեռի երեխաների նախընտրությունը բերել են նրան, որ հղիության սելեկտիվ ընդհատումների պատճառով Չինաստանում 100 աղջկա հաշվարկով ծնվում է 116 տղա: «Այդ պատճառով Չինաստանում շատ երիտասարդներ խնդիրներ են ունենում ընկերուհի գտնելու հարցում: Եվ ահա նրանք՝ որպես փոխարինող, օգտվում են սեքս-տիկնիկներից»,- նշում է Հանը:
Չինաստանում, հավելում է Die Welt-ը, նույնիսկ սեքս-տիկնիկների հատուկ առցանց ֆորումներ կան, որտեղ ավելի քան 20 000 մարդ է գրանցված: