Ուսումնասիրողները բջջային ծրագիր են ստեղծել, որը հնարավորություն է տալիս տնային պայմաններում և փաստացի անվճար ախտորոշել քնի խանգարումը, մինչդեռ ներկա պահին այդ հիվանդությունը ախտորոշելու համար հիվանդանոցում պառկել է պահանջվում, իսկ ախտորոշումը մի քանի հազար դոլար արժե: Գիտնականների հայտնագործությունը կներկայացվի MobiSys 2015-ին, որը կկայանա իտալական Ֆլորենցիայում, գրում է Gazeta.ru-ն:
Քնի խանգարումը՝ ապնոեն, բնութագրվում է քնի մեջ ավելի քան 10 վայրկյանով թոքերի օդափոխության դադարեցմամբ: Ավելի հաճախ շնչառությունը կանգ է առնում 20-30 վայրկյանով, չնայած ծանր դեպքերում այն կարող է 2-3 րոպեի հասնել և գիշերային քնի 60 տոկոսը կազմել: Պարբերական ապնոեի ժամանակ քնի կազմության խախտումներ են առաջանում, ինչպես նաև ցերեկային քնկոտություն, հիշողության և մտավոր կարողությունների թուլություն, աշխատունակության նվազում և մշտական հոգնածություն: Դրանից բացի, ապնոեն կարող է իշեմիկ հիվանդությունների, կաթվածի և սիրտ-անոթային հիվանդությունների պատճառ դառնալ:
Գիտնականների մշակած ծրագիրը ապնոեն ախտորոշում է 95-99 տոկոս ճշգրտությամբ: Ծրագիրն արձագանքում է քնի մեջ շնչառության ամենաչնչին փոփոխություններին, նույնիսկ եթե անկողնում երկու տարբեր մարդիկ են գտվում:
