Նյու Յորքում աճուրդի է հանվել հեռագիր, որը Ադոլֆ Հիտլերի իրավահաջորդը՝ Կառլ Դենիցը, ուղարկել է Լյուֆտվաֆեի գլխավոր հրամանատար Ռոբերտ ֆոն Գրայմին:
Դրանում Երրորդ ռեյխի ղեկավարը հայտնում է, որ ստորագրվել է Գերմանիայի անվերապահ կապիտուլյացիայի ակտ, ու բոլոր մարտական գործողությունները կդադարեն 1945թ. մայիսի 9-ին, հայտնում է The Guardian-ը:
«Դա հարկավոր էր անել, որպեսզի կանխարգելվի ռազմաճակատի որոշ հատվածների՝ մոտ ապագայում տեղի ունենալիք ոչնչացումը, ինչպես նաև Գերմանիայի ավելի մեծ թվով քաղաքացիների փրկելու համար»,- ասվում է հեռագրի մեջ:
Ֆոն Գրայմը հեռագիրը ստացել է մայիսի 8-ին, տեղի ժամանակով ժ. 22:40-ին: Նա փախել է Գերմանիայից Պրահա, որտեղ նրան կալանավորել են ամերիկացիները:
Դենիցի ուղարկած հեռագիրը հայտնաբերել էին Ֆոն Գրայմի ճամպրուկում: Դրանից հետո փաստաթուղթը հայտնվել էր ամերիկացի սպայի ձեռքում, որը հարցաքննել էր նրան, որից հետո այն ընկել էր մասնավոր հավաքորդի ձեռքը, ով էլ հեռագիրը աճուրդի է հանել:
Լոտի նախնական գինը 30 հազար դոլար է: