«Սեքսը մեծ քաղաքում» սերիալի աստղ Սառա Ջեսիկա Փարքերը շարունակում է զարգացնել իր դիզայներական տաղանդը: Մի քանի օր առաջ նա ներկայացրեց իր նոր նախագիծը՝ բարձրակրունկ կոշիկների հավաքածուն:
Դերասանուհին ստեղծել է իր նոր կոշիկների հավաքածուն բացառապես միայն առցանց ռիթեյլեր Zappos Couture-ի համար: Որպես հիմք վերցրել է իր սեփական SJP հավաքածուի ֆիրմային մոդելները, որոնք ներկայացվել էին նոր ձևավորմամբ՝ փայլերով և անիմալիստական պրինտով և վառ գույներով՝ ներառյալ էլեկտրական մանուշակագույնն ու մանդարինագույնը:
Լաս Վեգասի ռիթմերից ոգեշնչված՝ հավաքածուն ստացավ Strip Collection «տաք» անվանումը՝ հայտնում է Fashiontime պորտալը: Փարքերը շնորհանդեսին հայտնել է, որ համարձակ դիզայնը այդ կոշիկները պակաս ունիվերսալ չի դարձնում:
«Անկասկած, սևը չեզոք գույն է, բայց ինձ համար այդպիսին է նաև մանուշակագույնը: Այո, և կենդանական պրինտը ես նույպես համարում եմ չեզոք»,- ասել է նա:
Դերասանուհու գործընկեր, Manolo Blahnik բրենդի գործադիր տնօրեն Ջորջ Մալկեմուսը ասում է, որ հավաքածուում ներկայացված են կոշիկներ և սանդալներ, որոնք կկազմեն 200-ից 300 դոլար, իսկ պայուսակները՝ 700 դոլար:
Սառան առաջինը չէ, որ ներկայացնում է կոշիկ իր սեփական անվանումով: Դերասանուհին նաև ստեղծել է բաճկոններ և վերարկուներ, որոնք կվաճառվեն բացառապես Ամերիկայի մուլտիբրենդ Nordstrom խանութում: Նման նախագծով արդեն զբաղվել են դերասանուհիներ Լինդսի Լոհանը և Ռեյչել Բիլսոնը, երգիչ Շերիլ Քոուլը: