Մինչև 2017թ. բիզնեսի զարգացման Sharp ընկերության ծրագրերը վերջապես կհրապարակվեն մայիսի 14-ին: Մինչ այդ ընկերությունը իր վարկատուների հետ պետք է լուծի բոլոր վիճահարույց հարցերը, համաձայնեցնի աշխատակիցների որոշ մասին ազատելու ծրագրերը և հայտարարի բիզնեսի վերակառուցման փուլերը: Այս ամենը պետք է օգնի ընկերությանը կրկին դառնալ շահութաբեր։ Այս մասին գրում է 3dnews.ru-ն:
Մինչև մայիսի 14-ը ժամանակ կա, և տարբեր աղբյուրներ փորձում են գտնել տեղեկատվություն այն մասին, թե ինչպես է Sharp-ը պատրաստվում առաջիկա երեք տարիների ընթացքում գոյատևել: Nikkei թերթի կարծիքով՝ մինչև 2018 թվականի ապրիլ ընկած ժամանակահատվածում ընկերությունը 270 մլրդ իեն (ընթացիկ փոխարժեքով՝ մոտ 2.2 մլրդ դոլար) ներդրում կկատարի բիզնեսի զարգացման մեջ: Հատկանշական է, որ այդ գումարի 30 տոկոսը կուղղվի սմարթֆոնների և պլանշետների փոքր ֆորմատի էկրանների արտադրության ընդլայնմանը:
2014 թվականի չորրորդ եռամսյակում Sharp-ը չի կարողացել Կամեյամում շահագործման հանձնել №2 գործարանը նախատեսված հզորությամբ: Այս ընկերությունը նախորդ տարվա վերջին եռամսյակում արտադրության կեսը պետք է թողարկեր որպես սմարթֆոնների էկրաններ, բայց փաստորեն այն կազմել է ծավալի միայն 35 տոկոսը: Sharp-ը սա կապում է չինական սմարթֆոններ հավաքողների գնումների ծավալի նվազեցման հետ: Վերջիններս սկսել են տնտեսել և այլևս չեն գնել համեմատաբար թանկ Sharp-ի IGZO էկրանները: Իջեցված պահանջարկը հանգեցրել է այն բանին, որ ընկերությունը առաջին եռամսյակում սկսել է նվազեցնել արտադրության ծավալը և պատրաստվում է նույնը անել նաև ապագայում:
Մնում է սպասել տեղեկության այն մասին, որ Sharp-ը կորոշի փոքր էկրանների արտադրանքը ընդլայնել: Ի դեպ, դրանք կլինեն 4K խտությամբ էկրաններ: