Թե ինչ տեսք ունի նարինջը, կիտրոնը, մանդարինը, և ինչ համ ունեն դրանք, գիտի մեզնից յուրաքանչյուրը: Սակայն ցիտրուսայինների դասում կան բազմաթիվ բույսեր, որոնց պտուղները մենք նույնիսկ չենք էլ տեսել, չգիտենք դրանց համը, գրում է bugaga.ru-ն:
Պոնկան
Պոնկանը, ըստ էության, մանդարին է, որը գերազանցում է համով ու սննդարար նյութերով այլ մանդարիններն ու նրանց հիբրիդներին: Նարնջագույն միջուկն ունի քաղցր համ:
Բերգամոտ
Բերգամոտը ստացվել է ցիտրոնի ու թուրինջի խաչասերման արդյունքում: Ունի հաճելի թթվաշ համ: Ի տարբերություն ցիտրուսայինների մեծ մասի՝ բերգամոտը սննդի մեջ օգտագործվում է բացառապես վերամշակված տեսքով:
Փայտե խնձոր կամ ֆերոնիա
Աճում է Հնդկաստանում: Պտուղները խոշոր են, կարող են հասնել 12 սմ-ի: Անհրապույր արտաքինի տակ հիանալի համ է թաքնված: Լինում է ինչպես քաղցր, այնպես էլ թթվաշ:
Կլեմենտին
Ցիտրուս-հիբրիդն ունի հիանալի համ, որը մանդարին է հիշեցնում: Առաջին անգամ աճեցվել է Ալժիրում 1902-ին ֆրանսիացի հոգևորական, հայ Կլեմանի կողմից:
Խասսակու
Պտուղը միաժամանակ նման է թուրինջի՝ գրեյպֆրուտի, մանդարինի ու նարնջի, ունի քաղցրաթթվաշ համ: Աճում է Ճապոնիայում: Քաղցր պտուղը վայելելու համար հարկավոր է պահել մութ տեղում, հետո նոր միայն ուտել:
Երկարավուն լայմ
Պտուղները նման են բազմագույն վարունգի, ընդունված են հատկապես ավստրալացի խոհարարների շրջանում, որոնք դրանք ավելացնում են ապուրների, աղցանների մեջ:
Ագլի
Այն ստացվել է թուրինջի ու մանդարինի խաչասերման միջոցով: Ագլին ավելի խոշոր է չափերով, քան թուրինջը, սակայն համով հիշեցնում է մադարինի ու կիտրոնի:
Նատսուդայդայ
Աճում է Ճապոնիայում: Պամելոյի ու թթու նարնջի խառնուրդ է, որն ունի ավելի թթվաշ համ:
Գայանիմա
Հնդկաստանում աճող վայրի պտուղ է: Ունի թթվաշ համ: Հնդկաստանի հարավային բնակավայրերում այն թթու են դնում:
