ԱՄՆ նավթի արտահանման արգելքը կհանի հաջորդ նախագահական ընտրություններից հետո, որոնք ծրագրված են 2016 թվականի վերջին։ Այս մասին հայտնել է ԱՄՆ էներգետիկայի նախարարի նախկին օգնական Չակ Մաքքոնելը Sputnik գործակալության հետ զրույցում։
Վաշինգտոնը չմշակված նավթի արտահանման արգելք էր սահմանել 1975 թվականին։ Պատճառ էր հանդիսացել այն, որ դրանից երկու տարի առաջ ՕՊԵԿ-ի պետությունները հայտարարել էին, որ նավթ չեն մատակարարի այն երկրներին, որոնք աջակցում են Իսրայելին Սիրիայի և Եգիպտոսի հետ հակամարտություններում։ Դա առաջին հերթին վերաբերում էր ԱՄՆ-ին և Արևմտյան Եվրոպայում նրա դաշնակիցներին։
Այդ ժամանակվանից իրավիճակը զգալիորեն փոխվել է։ ԱՄՆ-ը նավթի ու գազի խոշոր արտադրող է դարձել՝ շնորհիվ թերթաքարային ածխաջրածինների արդյունահանման նոր հանքավայրերի ու տեխնոլոգիաների։
Նրա խոսքով՝ համապատասխան որոշումը կարող է ընդունվել արդեն 2-4 տարի անց՝ անկախ այն բանից՝ իշխանության ղեկին կլինի դեմոկրա՞տ, թե՞ հանրապետական։