Սուպերքարերի, անձնական ինքնաթիռների և գեղեցիկ աղջիկների անսպառ «պահեստարանով» միլիարդատեր բիզնեսմեն Թոնի Թութոունին հավակնում է դառնալ Instagram-ի նոր արքա: Այս մասին հայտնում է The Daily Mail-ը:
42-ամյա ձեռնարկատերը, ով իր կյանքի պատմությունը ներկայացնում է Instagram-ի էջերում, նշում է, որ «այնքան էլ դժվար չէ ունենալ կնոջ, ում ուզում ես»:
Նրա աղմկոտ գրառումները, որոնք 8 ամսում կարդացել է 750 հազար հետևորդ, սպառնում են Instagram-ի արքայի տիտղոսը խլել նրա ընկերոջից՝ հայազգի գերհարուստ փլեյբոյ, փոքեր խաղացող Դան Բիլզերյանից:
Թութոունին, ով այդ կայքում հանդես է գալիս @lunatic-living անունով, ասում է. «Աշխարհում ո՞ր տղամարդը կասի, որ սա այն կենսակերպը չէ, որով կուզենար ապրել: Սա կենսակերպ է, որով յուրաքանչյուր տղամարդ կուզենար ապրել, և ես վայելում եմ այն»:
Լոս Անջելեսում Թութոունին հարստացել է Հոլիվուդում գիշերային ակումբ գնելուց հետո, երբ ընդամենը 19 տարեկան էր:
Անշուշտ, բոլորը չէ, որ նրան հավանում են Instagram-ում. «Ֆեմինիստուհիներ կան, որոնք ինձ ամբողջ հոգով ատում են, և եկեղեցականներ, որոնք ուզում են բուժել ինձ, քանի որ ես «խնդիրներ» ունեմ»,- ասում է Թութոունին: