Հերթական բրիտանացի գիտնականը զարմացրել է ամբողջ աշխարհին: 37-ամյա Ալեքս Ժավորոնկովը հայտարարել է, որ պատրաստվում է ապրել մինչև 150 տարի: Այդ պատճառով նա հրաժարվել է ընտանիքից, և սկսել է ընդունել մոտ 100 տարբեր դեղամիջոցներ, հայտնում է The Telegraph-ը.
Բրիտանացի Ալեքս Ժավորոնկովը հանուն այդ նպատակի հրաժարվել է ընտանիք կազմելու և կարիերա անելու գաղափարից: Կենսաբանը սկսել է կանոնավոր զբաղվել սպորտով, պահպանել խիստ դիետա և միաժամանակ ընդունել է 100 տարբեր դեղամիջոցներ և բիոավելցուկներ:
Նա համոզված է, որ ժամանակակից բժշկությունը կարող է մարդու կյանքը երկարացնել մինչև 150 տարի: Ըստ նրա, նախկինում երկարակյացներն ունեցել են լավ գենետիկա, իսկ այժմ դա հնարավոր է դեղամիջոցներով:
Համաձայն Վիճակագրության միջազգային կենտրոնի տվյալների, 2015-ին ծնված աղջիկը հավանաբար կապրի մինչև 82 տարի, իսկ տղան՝ 78 տարի: Դրա հետ մեկտեղ շատ հետազոտողներ համամիտ են Ժավորոնկովի հետ և համարում են, որ ամեն մեկն էլ կարող է ապրել ավելի երկար, եթե պարզապես կանոնավոր զբաղվի սպորտով, և խուսափի ճարպոտ, քաղցր ու աղի կերակուրներից:
