Ծագումով հայ ամերիկացի ֆոտոլրագրողուհի Սկաուտ Թուֆանկջյանը վերջերս թողարկել է իր նոր գիրքը՝ նվիրված Հայոց ցեղասպանության 100-րդ տարելիցին։ Այն կրում է «Կա միայն Երկիրը» խորագիրը։ Այս մասին հայտնում է «Ազատություն» ռադիոկայանի ռուսական ծառայությունը։
2009 թվականից նա եղել է աշխարհի մի քանի տասնյակ երկրներում՝ ներառյալ Բրազիլիա, Եթովպիա, Հնդկաստան, և լուսանկարել 8 միլիոնանոց հայկական սփյուռքի ժամանակակից կենսակերպը։
Ֆոտոնախագծի կերտման աշխատանքները սնուցվել են իր հայկական արմատների հանդեպ հետաքրքրությամբ։ Նա ցանկացել է ցույց տալ կոտորած և տեղահանություն վերապրած հայերի հավաքական կերպարը։ «Մենք շատ ավելին ենք, քան ցեղասպանությունը։ Մենք վերապրեցինք և սկսեցինք բարգավաճել»,- ասել է նա։
Նշենք, որ նա համաշխարհային ճանաչում էր ստացել 2008-ին Օբամայի նախընտրական արշավի առաջին օրն արված լուսանկարով, որում Օբաման գրկել էր կնոջը։ Այն ռեկորդային՝ 750 հազար ռեթվիթ էր ունեցել։
