Նեպալը բախվել է խմելու ջրի և սննդամթերքի մեծ պակասի։ Մոտ 1 մլն երեխաներ արտակարգ օգնության կարիք ունեն 80 տարվա մեջ երկրի ամենաուժգին երկրաշարժից հետո։ Այս մասին ասվում է ՄԱԿ-ի Մանկական հիմնադրամի հայտարարության մեջ։
Զոհերի թիվն անցնում է 3200-ից, տուժել է ավելի քան 6500 մարդ։ Մոտ 90 մարդ էլ հարևան երկրներում զոհվել՝ ներառյալ Հնդկաստանում ու Չինաստանում։
Նշվում է, որ Նեպալում շարքից դուրս են եկել հեռահաղորդակցության համակարգերը, չկա էլեկտրականություն՝ փոխանցում է BBC-ն։
Հարյուրավոր մարդիկ՝ վախենալով նոր ցնցումներից, գիշերում են փողոցներում։ Ծայրահեղ բարդ դրությունն էլ ավելի են վատացրել տեղատարափ անձրևները։ ՅՈւՆԻՍԵՖ-ի հայտարարության մեջ ընդգծվում է նման պայմաններում երեխաների խոցելիությունը։
