Դամասկոսում կտեղադրվի հուշակոթող՝ նվիրված Հայոց ցեղասպանության զոհերի հարյուրամյա տարելիցին: Զոհերի անուններով հուշարձանը կտեղադրվի Դամասկոսի պատմական Բաբ-Շարքի թաղամասում: Այս մասին գրում է RIA Novosti-ն:
Մայրաքաղաքի պատմական հատվածում հուշակոթողի հիմնաքարը դնելու հանդիսավոր արարողությունը տեղի է ունեցել կիրակի օրը՝ Դամասկոսում Հայկական ուղղափառ թեմի առաջնորդ, միտրոպոլիտ Արմաշ Նալբանդյանի և Սիրիայում Անտիոքի և համայն Արևելքի ուղղափառ եկեղեցու պատրիարք Իգնատիուս Աֆրամ II-ի մասնակցությամբ:
Ի հիշատակ 1915-ին Թուրքիայում տեղի ունեցած Ցեղասպանության 1.5 մլն զոհերի՝ հայ համայնքի ներկայացուցիչները և Սիրիայի մեծ քանակությամբ քաղաքացիներ մոմերով քայլերթ են կազմակերպել դեպի ապագա հուշակոթողի վայր՝ չնայած անվտանգության սպառնալիքին և ծայրահեղականների կողմից հնարավոր սադրանքներին:
Հիշատակի արարողությունից հետո Սուրբ Սարգիս եկեղեցում եպիսկոպոս Նալբանդյանն իր ելույթում Թուրքիային կոչ է արել ճանաչել Հայոց ցեղասպանությունը: