Եմենի նկատմամբ Սաուդյան Արաբիայի գործողությունները և երկիր հումանիտար օգնություն հասցնելու արգելքը անպատասխան չեն մնա: Ինչպես հաղորդում է RIA Novosti-ն, այս մասին հայտարարել է Իրանի արաբական և աֆրիկյան երկրների հարցով փոխարտգործնախարար Հոսեյն Ամիր Աբդոլահյանը:
Հինգշաբթի Սաուդյան Արաբիայի ռազմաօդային ուժերը թույլ չեն տվել հումանիտար օգնություն տեղափոխող իրանական ինքնաթիռին մտնել Եմենի տարածք:
«Սաուդյան Արաբիայի գործողություններն ուղղված են Եմենի շրջափակմանը, և հումանիտար օգնության մատակարարման արգելքը չի մնա առանց պատասխան արձագանքի»,- ասել է նա:
Փոխարտգործնախարարի խոսքով` Թեհրանը քննարկում է Եմենի ժողովրդին աջակցելու ցանկացած տարբերակ: