ԴԱԻՇ ահաբեկչական խմբավորման գաղափարախոսներն արգելել են մարդկանց, ովքեր ապրում են ծայրահեղականների կողմից վերահսկվող տարածքում, կրել հայտնի ֆուտբոլային ակումբների շապիկները՝ գրում է The Daily Star-ը:
Արգելքի տակ է հայտնվել «Բարսելոնայի», «Մանչեսթր Յունայթեդի», «Ռեալ Մադրիդի», «Միլանի» մարզահագուստը: Ահաբեկիչները նոր օրենքը բացատրել են նրանով, որ այդ ակումբների նկատմամբ սերը հակասում է իսլամին, և համարվում է գաղափարախոսությունից հեռացում: ԴԱԻՇ-ի ներկայացուցիչները չեն սահմանափակվել միայն մարզիկներով՝ օրենքից դուրս հայտարարելով երգչուհի Մադոննային:
Ծայրահեղականներն իրազեկման թռուցիկներ են բաժանել, որտեղ տեղի բնակիչներին զգուշացրել են, որ եթե նրանք չենթարկվեն, ապա նրանց կպատժեն ճիպոտի 80 հարվածով հասարակական վայրում, բոլորի աչքի առաջ: