Բլեյք Լայվլին առաջին անգամ մայրացել է 4 ամիս առաջ: Նա LA Times պարբերականի հետ հարցազրույցում ասել է, թե ինչպես է իրեն զգում մոր դերում: Աստղի խոսքերով` դստեր մշտապես փոփոխվող տրամադրությունը բավականին համբերություն և հույզերի լուրջ աշխատանք է պահանջում:
«Երբ դու երեխա ունես, ապրում ես մշտապես անսպասելիությունների միջավայրում: Երբեք չի կարելի իմանալ` երբ քեզ կպարգևատրեն լայն ժպիտով կամ երբ այդ ժպիտը վայրկենաբար կվերածվի հիստերիայի: Իմ կարծիքով` ասես ապրում ես թմրանյութից կախվածություն ունեցողի հետ»,- ասել է Բլեյքը:
«Բայց երբ երեխա ունես, մտածում ես` ես չեմ կարող պատկերացնել, որ այլևս երեխաներ չեմ ունենա: Չէ որ նրանք այնքան արագ են մեծանում: Ես կցանկանայի 80 տարեկանում էլ փոքրիկի մայր լինել, եթե, իհարկե, ես այդպես կարողանամ»,- հավելել է դերասանուհին: