Մինչ ողջ աշխարհը սպասում է դքսուհի Քեթրինի և արքայազն Ուիլյամի ընտանիքում ևս մեկ երեխայի լույս աշխարհ գալուն, որոշ ամսագրերում լուրջ կրքեր են բորբոքվում:
Ըստ Globe ամսագրի հավաստիացման՝ Ուիլյամն ու Հարին ավագ քույր ունեն, ում անունը Սառա է: Հիմա նա 33 տարեկան է և ապրում է ԱՄՆ-ի Նոր Անգլիա փոքրիկ քաղաքում:
Հաղորդվում է, որ մինչ Դիանայի և արքայազն Չարլզի նշանադրության մասին հայտարարելը երիտասարդ հարսանացուն պետք է բուժզննում անցներ, որպեսզի թագավորական ընտանիքը տեղյակ լիներ նրա, հատկապես կանացի մասով առողջական վիճակի մասին:
Դիանան և Չարլզն անալիզներ են հանձնել, որոնք դրական արդյունք են ցույց տվել: Ըստ տրամաբանության, դրանից հետո բոլոր անալիզները պետք է ոչնչացվեին:
Սակայն ամեն ինչ այդքան հեշտ չէ: Երբ ողջ աշխարհը զբաղված էր Չարլզի և Դիանայի հարսանիքով, բժիշկներից մեկն, իբր թե բեղմնավորված ձվաբջիջը տեղադրել էր իր կնոջ մեջ, ով հետո աղջիկ է ունեցել՝ դառնալով Դիանայի և Չարլզի դստեր սուրոգատ մայրը:
Ճակատագրի հեգնանքով Սառան շատ է նմանվել մահացած արքայադստերը: Սկզբում նրա ծնողները թաքցրել են աղջկա ծագումը, սակայն նրանց մահից հետո աղջիկը որոշ փաստաթղթեր է հայտնաբերել իրականացված աշխատանքի վերաբերյալ: Նա փորձել է պարզել ճշմարտությունը, սակայն սպառնալիքներով հեռախոսազանգեր է սկսել ստանալ: Արդյունքում ստիպված արտագաղթել է ԱՄՆ և մինչ օրս ապրում է այլ ավան տակ: