ՄԱԿ-ը պատրաստվում է Նեպալում սկսել խոշոր մարդասիրական գործողություն՝ ավերիչ երկրաշարժի տուժածներին օգնելու նպատակով: TASS-ի փոխանցմամբ՝ այս մասին հայտարարել է ՄԱԿ-ի գլխավոր քարտուղար Պան Գի Մունը: Իր հայտարարության մեջ նա ցավակցություն է հայտնել երկրի կառավարությանն ու զոհերի ընտանիքներին:
«ՄԱԿ-ն օգնում է Նեպալի կառավարությանը՝ համակարգելու որոնողա-փրկարարական միջազգային գործողությունները, և պատրաստվում է ձեռնարկել օգնության ցուցաբերման լայնածավալ ջանքեր»,- ասել է Պան Գի Մունը:
ԱՄՆ-ն, իր հերթին, փրկարարների թիմ կուղարկի Նեպալ, որտեղ տեղի ունեցած երկրաշարժի զոհ դարձավ ավելի քան հազար մարդ: ԱՄՆ-ը նաև 1 մլն դոլար օգնություն կհատկացնի այդ երկրին:
