«Ես չգիտեի, որ 24 մարդ կա իր քաղաքական հայացքների համար բանտարկված, գիտեի, որ մի քանի մարդիկ են բանտարկված իրենց քաղաքական հայացքների, տեսանկյունի համար։ Իմ կարծիքն ու քո կարծիքը նույնն են՝ մարդն իր խոսքի ու հայացքի համար բանտ չպիտի երթա, եթե ուրիշ կարևոր ոճիր չի արել»,- այսօր լրագրողների հետ հանդիպմանն ասաց աշխարհահռչակ ռոք երաժիշտ, System of A Down խմբի ներկայացուցիչ Սերժ Թանկյանը՝ պատասխանելով հարցին, թե ինչպես է վերաբերվում նրան, որ Հայաստանում այսօր շուրջ 24 քաղբանտարկյալ կա: Սերժ Թանկյանն ասաց, որ այդ հարցի վերաբերյալ կարող է այդքանը ասել:
Սերժ Թանկյանը նաև պարզաբանեց, թե ինչ նկատի ուներ Հանրապետության հրապարակում համերգի ժամանակ ասելով, թե եկել է և այլևս չի գնալու։ «Հոգեպես չեմ հեռանալու»,- ասաց նա՝ հավելելով, որ համերգից մեծ էներգետիկա է ստացել, հզոր համերգ էր, հանդիսատեսի էներգիան փոխանցվել է ռոք խմբի անդամներին:
Մանրամասները՝ տեսանյութում։