«1915» հոգեբանական թրիլլերը ներկայացնում է ժամանակակից պատմության ամենասոսկալի իրադարձությունները: Ֆիլմը հետևում է մի մարդու վիճելի առաքելությանը, ով ցանկություն ունի կյանք վերադարձնել մոռացված Ցեղասպանության ուրվականներին»,- լրագրողների հետ զրույցում ասաց ֆիլմի գլխավոր ռեժիսոր և սցենարիստ Կարին Հովհաննիսյանը՝ հավելելով, որ ֆիլմը չունի հստակ քաղաքական կամ պատմական ուղերձ։
«Մենք դաս չենք տալիս, բայց ուզում ենք, որ մարդը նայի ու դահլիճից հեռանա մի զգացմունքով, որ աշխարհը չի մեռել, 1915-ի չճանաչված միլիոնավոր ուրվականները մեր շուրջ են, այդ ստվերը դեռ կա, մենք դեռ դրանից չենք ազատվել»,- ասաց նա:
«1915» ֆիլմը նկարահանվել է Լոս Անջելեսում՝ 20 օրվա ընթացքում: Ֆիլմի օրիգինալ երաժշտությունը մշակել է «Գրեմմի»-ի մրցանակակիր, երաժիշտ Սերժ Թանկյանը: Աշխարհահռչակ ռոք երաժշտի խոսքով՝ ինքը փորձել է այնպես անել, որ միավորվեն հայկական ավանդականն ու ռոք երաժշտությունը:
Մանրամասները՝ տեսանյութում։