«Այս օրերի հաղթանակը բավարար չէ: Մենք պետք է շարունակենք մեր պայքարը, դառնանք իրավական, ժողովրդավար, սահմանադրական պետություն, որը կկարողանա վաղը և մյուս օրը վերականգնել մեր իրավունքները: Եվ գլխավոր հարցն այն է, թե ապրիլի 24-ից հետո ինչ ենք անելու, ինչ որակի պետություն ենք ունենալու և ինչ որակի ազգ»,-այսօր ցեղասպանության զոհերի հուշահամալիր այցելության ժամանակ «Առաջին լրատվական»-ի հետ զրույցում ասաց «Ժառանգություն» կուսակցության նախագահ Րաֆֆի Հովհաննիսյանը: Վերջինիս խոսքով ապրիլի 24-ից հետո ընկած ժամանակահատվածն ամենամեծ քննությունն է հայության համար, թե ինչպես կդրսևորի իրեն:
Մեր հարցին, թե հնարավո՞ր է միջազգային հանրության արձագանքից դրդված Թուրքիան հաջորդ օրերին ավելի ագրեսիվ գործողությունների անցնի Հայաստանի նկատմամբ, լարի վիճակը սահմանին, Հովհաննիսյանը նկատեց.«Չի կարելի բացառել, բայց չի կարելի նաև ընդհանրացնել, քանի որ Թուրքիայում կան քաղաքացիական գիտական շրջանակներ, որոնք կողմնակից են սեփական պատմության հետ առերեսման: Եվ այդ շրջանակները պետք է ի վերջո դառնան իրավատեր»,-ասաց Հովհաննիսյանը:
Առավել մանրամասն՝ տեսանյութում
