«Առաջին լրատվական»-ի զրուցակիցն է Եվրախորհրդարանի փոխնախագահ Ռիչարդ Չարնեսկին:
-Ի՞նչ կտա Հայաստանին միջազգային բանաձևերի ընդունումը, «հայոց ցեղասպանություն» եզրույթի օգտագործումը:
-Այս բանաձևերի ընդունումը շատ կարևոր է և Եվրախորհրդարանը իր պատմության մեջ 3-րդ անգամ ընդամենը վերջերս ընդունեց հատուկ բանաձև, որով ճանաչում և դատապարտում է Հայոց ցեղասպանությունը: Եվրախորհրդարանի և ազգային խորհրդարանների նման բանաձևերի ընդունումը իր մեջ ուղերձ է պարունակում, որ Եվրոպան չի մոռանում Հայաստանին, հայ ժողովրդին, իրենց ունեցած ողբերգությունն անցյալում, բայց այն իր մեջ ուղերձ է պարունակում, որ ԵՄ-ն Հայաստանի կողքին է: Եվ այն նաև ուղերձ է բոլոր այն պետություններին, որոնք պատմության ընթացքում չեն եղել Հայաստանի կողքին:
-Ի՞նչ կարող է լինել նաև հայ–թուրքական հարաբերությունների մասով` հաշվի առնելով Էրդողանի «ջղաձիգ արձագանքը:
-Եվրախորհրդարանի պատմական բանաձևի ընդունումից ընդամենը ժամեր առաջ ինձ հետ որպես Եվրախորհրդարանի փոխնախագահ հանդիպում է խնդրել թուրքական խորհրդարանի անդամները. նրանց արձագանքները, բնականաբար, շատ նյարդային են: Մենք ծանոթ ենք թուրքական այն բոլոր դիրքորոշումներին, որոնցում ասվում է, որ իրենց արխիվները բաց են ուսումնասիրությունների համար: Եվ ես թուրքական պատվիրակությանն ասացի, որ` ok, դուք կարող եք դա անել որպես բարի կամքի դրսևորում:
-Իսկ հատուցման մասով ինչ է արվում, ցեղասպանության եզրույթի օգտագործումը կամ բանաձերը հատուցման խնդրի լուծու՞մ են :
-Մենք մասնակից դարձանք այն միջազգային ֆորումին, որտեղ այդ հարցերը արծարծվում են և ցեղասպանության ճանաչման միջազգային գործընթացը կարող է նպաստել ցեղասպանության հետ կապված խնդիրների լուծմանը: Պետք է նաև նկատի ունենալ այն, որ ցեղասպանությունը ոչ միայն հայ ժողովրդի պատմության սև էջն է, այլև համամարդկային, համաշխարհային պատմության սև կետերից է:
-Չասացիք` հայ-թուրքական հարաբերությունների մասով ի՞նչ հեռանկար եք տեսնում:
-Ես շատ լավատես չեմ այս հարցի վերաբերյալ այս պահին, որովհետև, իմ տպավորությամբ, այս պահին Անկարան չի ցանկանում գտնել փոխզիջումային այն տարբերակը, որը կբերի հարաբերությունների կարգավորմանը:
Մանրամասները տեսանյութում
